Soi pas de la garriga , mas soi del miègjorn. I a de temps que vivi a la marge de la Granda Blava. Soi pas un salvatge ; los òmes m'an fach venir et d'aqueste temps me tròbi dins de terraires novels ont, abans, i avià  de vinhas o de blat. A Banhòls, i an donat mon nom, coma l'an bailhat a Ciceròn que me portava sus lo nas coma una verruga.  A Milhaud , me podètz veire dins la plana fins al Vistre. Se i a d'aiga, creissi ben, e se n'i a pas gaire creissi tanben. Soi sec coma de fusta e si un « colhon » vos lança una de mas granas sus la tèsta, vos « ensucarà »! Mas es pas per aquò que los òmes m'an fach venir. Es que soi pas « chiche » de benfaits e balhi tot per lo bonaür dels òmes . Per pròva :

Cru e en polsa combati las infeccions de las nafraduras ; cuèch pòdi arrestar « las caganhas » e mai las foiras, sabèm que la foira es la forma explosiva de « la caganha »,... es a dire! Vos pòdi tanben  arrestar los floroncs se me metètz en cataplasma o brenada. De mai, se me crematz o torreficatz  e me bevètz coma de cafè auretz una santat sexuela bona, pissaretz mièlhs  e, d'aquel biais, vos netejarà lo fetge.

Adonc, en medecina, soi  energetica , diüretica, antiseptica urinari, estomacala e tanben vermifug. I a pas melhor que ieu per far de ben !

E es pas  tot, me podètz  manjar per vos regalar.

Mas doblidetz pas aquò :

-« Cal de bona aiga per bajanar de ceses. »

-« Aqueste ser avèm per sopar un  bajanat de ceses. »

- « Per me ben cosinar cal metre de bicarbonat de soda dins l'aiga ambe de sal  »

Soi dins lo coscos e dins las ensaladas ambe de cèba, e un pauc de pertot.

M'avètz descobrit, es pas gaire complicat, soi lo cese e en francès  « le pois-chiche ».

Bailatz nos las vòstras receptas de cosina.

 

                                                                                Marc Bonfils

                                avec l'aimable correction d'Huguette Bertaudon